Y bi mr scho länger am überlege deheim uff Digital-TV umzstelle. Bis jez han y s ganz normale Cablecom. Nochdäm jez widr e Agebot für e halbe Pryys für e halbs Joohr ynegflatteret isch (au für s Internet, won ych scho ha) und ych an de EM mol e Match uff HD gseh ha, wirds in mine Gedanke widr aktuell.

Mi Hauptproblem isch jez folgendes:

Ych ha e HDD deheim won ych denn au immer widr DVDs brenn und drum uff das Grät nidd verzichte will. De grossi Vorteil vo däm Grät isch aber au s EPG, won ych innert Sekunde s Grät für e Uffnahm programmiert ha.

Wie isch jez das, wenn ych sone HD mediabox receiver nimm? Das lauft jo denn über e Aaschluss (HDMI) und ych wird in Zuekunft über d Cablecom-Färnbedienig miesse d Sänder wäxle. Ka denn de HDD-Recorder s EPG immer no abriefe, oder git das denn in Zuekunft jedesmol e miehsami programmiererei?

Y weiss au dass in absehbarer Zyt e HD-Receiver mit uffnahmemöglichkeit kunnt, nur bringt mir das nidd viel, wenn ych denn e DVD brenne will.

Y ha die ganze Frooge scho mol vormene Zyttli de Cablecom diräkt gstellt gha, aber die nätti Dame am Delifon hett mr nidd so richtig usskunft könne gäh...

Hett öbberErfahrig mit däm, oder weiss genau Bscheid?

Oder eifach alles so loh wies isch?

Edit: Ha jez grad das gseh uff de Vablecom Homepage. Heisst das, dass ych s analoge wyter empfang und d HDD wyter s EPG empfange wird?

Im Moment steht die Teletextfunktionalität nur eingeschränkt zur Verfügung. Es kann daher vorkommen, dass einzelne Teletextseiten fehlerhaft bzw. überhaupt nicht angezeigt werden. Über Ihren Fernseher können Sie den Teletext aber weiterhin analog empfangen.